ماڵپه‌ڕ‌ی که‌مئه‌ندامانی کوردستان

ماڵپه‌ڕی كه‌مئه‌ندامانی كوردستان، ده‌نگ و ره‌نگی هه‌موو كه‌مئه‌ندامانه‌، بۆ ئه‌وه‌ دروست بووه‌ داوا ره‌واكانی كه‌مئه‌ندامان و كێشه‌كانیان بخاته‌ روو. راسته‌ ئه‌م ماڵپه‌ڕه‌‌ به‌ هه‌وڵێکی تاكه‌كه‌سی هاتۆته‌ به‌رهه‌م و كاركردن، به‌ڵام به‌ دڵنیاییه‌وه‌ ماڵێک ده‌بێت بۆ هه‌موو كه‌مئه‌ندامان. ماڵپه‌ڕی كه‌مئه‌ندامان، به‌ بێ ئه‌وه‌ی گوێ بداته‌ بیروڕای سیاسی و ئینتمای رێكخراوه‌یی، سه‌كۆیه‌كه‌ بۆ هه‌موو كه‌مئه‌ندامانی كوردستان. واته‌ ده‌نگێكه‌ به‌وه‌وه‌ جوان ده‌بێت كه‌ هه‌موو رێكخراوه‌ كه‌مئه‌ندامییه‌كان، داواكاری و پرۆژه‌ی تایبه‌تی خۆیانی تێدا بڵاو بكه‌نه‌وه‌. هه‌ر له‌م ماڵپه‌ره‌وه‌ وێژه‌ و هونه‌ر و چالاكی هه‌موو كه‌مئه‌ندامان بڵاو ده‌كرێته‌وه‌ و هه‌وڵ ده‌دات كێشه‌كانی كه‌مئه‌ندامانی كوردستان بۆ ڕای گشتی و حكومه‌ت روون بكاته‌وه‌ و ببێته‌ مینبه‌رێكی راستگۆ و داكۆكیكار له‌ توێژی كه‌مئه‌ندامان به‌ گشتی. ماڵپه‌ڕی كه‌مئه‌ندامان ده‌یه‌وێت و ده‌نگێكی روون و ئازاد و ره‌نگێكی بێ خه‌وشی سه‌رجه‌م كه‌مئه‌ندامانی كوردستان بێت. هه‌وڵ ده‌دات سه‌رجه‌م كه‌مئه‌ندامان له‌ ده‌ووری خۆی كۆ بكاته‌وه‌ تا توانایه‌كی باشتر و كاریگه‌رتر بداته‌ كه‌مئه‌ندامان. راسته‌ له‌ كوردستان چه‌ندین رێكخراوی كه‌مئه‌ندامی جیا جیا هه‌یه‌ و هه‌ر یه‌كێكیان شێوه‌ی كاركردن و ستراتیجی تایبه‌ت به‌ خۆیان هه‌یه‌، به‌ڵام ئه‌م جۆراو جۆرییه‌ به‌ هیچ شێوه‌یه‌ك له‌گه‌ڵ ماڵپه‌ڕی كه‌مئه‌ندامانی كوردستان نارێك نابێت و هه‌موو رێكخراوه‌كان وه‌ك یه‌ك له‌م ماڵه‌ ئه‌له‌كترۆنییه‌وه‌ ده‌توانن بابه‌ت و به‌رنامه‌ تایبه‌ته‌كانی خۆیان بڵاوبكه‌نه‌وه‌. مه‌به‌ست له‌م كاره‌ی ماڵپه‌ڕی كه‌مئه‌ندامان ئه‌وه‌یه‌ كه‌ گه‌ر ناته‌باییه‌كیش له‌ نێوان ئه‌و رێكخراوانه‌دا هه‌بێت، ئه‌وا بتوانن له‌م ماڵه‌ی خۆیاندا هاوبیر و هاوكار بن بۆ زیاتر خزمه‌تكردن به‌ كێشه‌ی كه‌مئه‌ندامان و هه‌وڵدان بۆ دابینكردنی گوزه‌رانێكی شایسته‌ و گونجاو بۆ كه‌مئه‌ندامان. له‌ هه‌موو ئه‌مانه‌ گرنگتر، ماڵپه‌ڕی كه‌مئه‌ندامانی كوردستان ده‌یه‌وێت گرنگی تایبه‌ت بداته‌ ئه‌و كۆمه‌ڵه‌ مرۆڤانه‌ی تری كۆمه‌ڵگه‌ له‌وانه‌ ( نه‌خۆشه‌كانی تالاسیما و هیمۆفیلیا ) كه‌ به‌ سوپاسه‌وه‌ دایكو باوكی ئه‌و نه‌خۆشانه‌ له‌ ساڵی ( 1996 ) ه‌وه‌ كۆمه‌ڵه‌یه‌كی تایبه‌تیان دروست كردووه‌ به‌ ناوی ( كۆمه‌ڵه‌ی تالاسیما و هیمۆفیلیای كوردستان ) وه‌ هه‌روه‌ها ده‌یه‌وێت گرنگی تایبه‌ت بدات به‌ مرۆڤه‌ مه‌نگۆله‌كانی كوردستان بدات و ببێته‌ ماڵێك بۆ ئه‌وانیش. له‌م روانگه‌یه‌وه‌، ماڵپه‌ڕی كه‌مئه‌ندامانی كوردستان، داوا له‌ سه‌رجه‌م رێكخراوه‌كان ده‌كات كه‌ هاوكاری بكه‌ن و پشتگیری خۆیان بۆ ئه‌م ماڵه‌ به‌ ناردنی بابه‌ت و چالاكییه‌كانیان ده‌رِببرِن. هه‌روه‌ها داوا له‌ هه‌موو نوسه‌ران و هونه‌رمه‌ندان و رۆژنامه‌نووسانی ناوه‌وه‌ و ده‌ره‌وه‌ی كوردستان ده‌كه‌ین، كه‌ بابه‌ت و رێپۆرتاژه‌كانیان له‌سه‌ر كه‌مئه‌ندامان بۆ ئه‌م ماڵپه‌ڕه‌ بنێرن، تا به‌ هه‌وڵی هه‌مووان ده‌توانین كێشه‌ی كه‌مئه‌ندامان و داوا و پێداویستییه‌كانیان بگه‌یه‌نینه‌ حكومه‌ت و خه‌ڵكی كوردستانیش زیاتر هۆشیار بكرێنه‌وه‌ تا به‌ چاوێكی مرۆڤانه‌وه‌ له‌گه‌ڵ كه‌مئه‌نداماندا بن نه‌ك وه‌ك به‌زه‌یی و خێر پێكردن. به‌ هیوای ئه‌وه‌ی ژیانێكی گونجاو و شایسته‌ بۆ كه‌مئه‌ندامان بهێنرێته‌ دی. یه‌كه‌م رۆژی به‌خشكردنی ماڵپه‌ڕی كه‌مئه‌ندامانی كوردستان ( 5 / 2 / 2007 ) حیكمه‌ت مه‌عروف به‌رِێوه‌به‌ری ماڵپه‌ڕی كه‌مئه‌ندامان

سه‌رنج

هێشتا هیچ سه‌رنجێک بوونی نی‌یه

سه‌رنجێک بنێره

تکایه‌ پێویستت به‌ چوونه‌ ژووره‌وه‌ هه‌یه‌ ئه‌گه‌ر ئه‌ته‌وێت سه‌رنجێک زیاد بکه‌یت

هه‌ڵسه‌نگاندن

ئه‌م به‌شه‌ی هه‌ڵسه‌نگاندن ته‌نها به‌ ئه‌ندامان تایبه‌ته

تکایه‌ یان بچۆ ژووره‌وه‌ یان ناوی خۆت تۆمار بکه

نایاب	50%	[1 ده‌نگدان]
زۆر باش	50%	[1 ده‌نگدان]
باش	0%	[هيچ ڕایه‌ک]
مام ناوه‌ندی	0%	[هيچ ڕایه‌ک]
لاواز	0%	[هيچ ڕایه‌ک]

پانێڵی چوونه‌ ژووره‌وه

ئه‌گه‌ر هێشتا خۆت تۆمار نه‌کردووه
کرته‌ لێره‌ بکه بۆ خۆتۆمارکردنت له‌ ماڵپه‌ڕ

ووشه‌ی تێپه‌ڕبوونت وون کردووه؟
خوازیاری ووشه‌یه‌کی تێپه‌ڕوونی تریت ئه‌وا کرته‌ لێره‌ بکه.

ئه‌ندامی ڕاپرسی

سه‌کۆی گفتوگۆ

سه‌ره‌تا پێویستت به‌ چوونه‌ ژووره‌وه‌ هه‌یه بۆ ئه‌وه‌ی په‌یامێک بنووسیت

Hikmat
07/07/2010 14:06
کاکه‌ دلێر سڵاو و هه‌ربژیت و ته‌ندروست بیت بیت

dlerahmad
29/06/2010 13:38
زورسوبستان ده كه م جاوى 1به 1تان ماج ده كه م سه ركه وتوبن.

Designs By Goran

678959 سه‌ردان